Hef svosem ekkert mikið að segja en segi samt allt ágætt bara Er að minnsta kosti á lífi.........

HÆTTUR AÐ BLOGGA Í BILI

þá er maður kominn á suðurlandið aftur eftir þvílíkt góða ferð á Akureyri. Ég, Bjamminn, Ingi Hlynur og KÓ lögðumst í leiðangur fyrir tæpri viku síðan, skelltum okkur í skíðaferð með fyrsta árinu. Þetta var snilldin ein og vill ég nota tækifærið og þakka þessum mönnum fyrir frábæra ferð og Kjartan it´s gonna be mighty fine að vera tvær vikur saman á Kanarí heheheh JE
Við hófum ferðina á sunnudaginn fyrir viku síðan og ekki byrjaði það gæfulega því korteri fyrir brottför tók Harrison upp á því að verða bremsulaus, þakka fyrir að það hafi ekki verið upp á heiði einhversstaðar, þannig að við fórum á bílnum hans Inga, rúmgóður Golf og ég sá ekkert nema ennið á bjartmari alla leiðina vegna mikils farangurs. Fyrsta stopp var í Borgarnesi þar sem við fórum á körfuboltaleik, Skallagrímur-Snæfell og mig minnir að Snæfell hafi unnið. Svo var brunað norður á bóginn og komum seint til Akureyrar. Á mánudaginn var farið í Hlíðarfjall og fórum kringum hádegið, fínt veður. Eitthvað var maður farinn að ryðga í brettamennskunni en lifði daginn af. Fórum í sund eins og alla hina dagana, fórum í eimbaðið og renndum okkur í rennibrautinni í barnalauginni. Þriðjudagurinn var fyndinn dagur, í fyrstu ferðinni minni niður fjallið datt ég á hnakkann og fékk heilahristing og missti sjónina á vinstra auganu sem er ekki enn komin aftur 100%, ég fór upp á slysó sem var leiðinlegt og svo þegar ég fór upp í fjall aftur þann daginn þá mætti ég Bjammanum og Oddnýju á leið upp á sjúkrahús því hún hafði dottið svona svakalega á rófubeinið Ég fór bara með þeim og við Bjartmar biðum í rúman klukkutíma á biðstofunni, það var leiðinlegt en gerðum grína að læknunum þarna svo það stytti okkur stundir. Fórum og horfðum á landsleikinn á Dátanum og þvílík hörmung....... Hitti Baldur formann, Jón Torfa og Jónsa og horfðum við frekar á æfingu hjá ungfrú norðurland en að fylgjast með leiknum Fórum á Café Amour á eftir og sötruðum smá öl og svo lá leiðin í beddann. Miðvikudagurinn var snilld, byrjaði að snjóa mikið og það var skítkalt, ég fór upp í strýtu í þessari brettaferð sem er lyftan upp á topp. Það gekk vel en ég er ekki það góður á þessu að ég geti rennt mér að ráði í 90% halla......
Reyndar dó ég næstum því þennan daginn því ég skellti mér upp í strýtu og var í lyftunni á eftir Bjartmari og hann datt úr lyftunni og ég "varð" þá líka að fara úr lyftunni en fór aðeins ofar og gekk í átt að brautinni, datt 20 sinnum á leiðinn af því að það var bara glæra undir smá snjóföl sem lá ofan á og það þurfti að vanda skrefin. Að lokum komst ég að brautinni og Kjartan beið eftir mér. Þegar ég var að fara að undirbúa mig undir það að fara í brettið þá flaug ég á hausinn og missti brettið, ég kastaði mér á eftir því niður gríðarlegan bratta og hélt í aftari bindinguna og þaut niður brekkuna á maganum(kviðnum) og ég var utan við brautina og stefndi í hraunið. Þegar ég áttaði mig á því að ég væri ekki að fara að stoppa þá reyndi ég að koma mér yfir á rassinn og við það missti ég brettið og það þaut 20-30 metra lengra niður og lennti á grjóti og tók quite a pounding á rassinn fyrir vikið..... á meðan þessum mikla lífsháska stóð þá var Kjartan að DEYJA úr hlátri en baðst svo síðar afsökunar á að hafa hlegið því jú maður hlær ekki að manni í lífsháska, hvað þá litlum manni í lífsháska.
Fór á fótboltaæfingu með Hömrunum og gat ekki neitt en var þó betri en Jónsi, alveg satt!!!!!
Fimmtudagurinn var besti dagurinn, fórum í fjallið kl 10:30 og vorum til 16:30, fórum í sund og svo á bjórkynningu hjá Viking, sem var snilld.... Eftir kynninguna var haldið á Greifann sem stóð fyrir sínu, Amour eftir það og eintóm gleði og mikið fyllerí á sumu fólki.......
Nú ætla ég að hætta í bili og Ingi, ég er ekki að væla eða kvarta yfir lífsháskanum, ég er bara að segja fólki frá þannig að ég þarf ekki bréf..........
En já á meðan ég man þá var ég tekinn hrikalega af Kjartani og Inga á heimleiðinni og ég MUN hefna mín þótt síðar verði múhahahahahahaha

over and out

Já lesendur góðir ég er búinn að vera á laugarvatni í skólanum sem er alltaf næs, en á föstudaginn var dans eftir hádegi og aftur í morgun (lau). Þessi áfangi er náttúrulega tær snilld, við erum að dansa jive, tjútt, rokk, cha cha cha, mambó svo eitthvað sé nefnt og vitiði þetta er rosaleg hreyfing sem maður fær útúr þessu. En já ég var sem sagt fyrir austan í morgun tók Birtuling með mér og Lilju systir sem barnapíu á meðan ég dansaði, er núna í Reykjavík hjá mömmu og pabba og er á leiðinni norður á morgun á skíði og vinna í lokaverkefninu mínu...... Já ég ætla að læra!!!!!! En ætla náttúrulega ekki á skíði því töffararnir fara á bretti ekki satt ???? Stefni á að hitta líðinn sem ég þekki fyrir norðan eins og Bulla pizzu og Jón Þormar (stórglæpon). Hlakka mikið til.
Þetta er svona um það bil það eina sem er í gangi hjá mér þessa dagana eða svona hér um bil, held ég..... Ef einhver veit betur þá má hann láta mig vita STRAX!!!!!

Vinir? hvað er það? Geta strákar og stelpur verið "bara" vinir? Hvað ef stelpan og strákurinn hafa einhvern tíman átt sitt móment og segjum sem svo að þau hafi talað um allt milli himins og jarðar, svo slitnar upp úr og annar aðilinn vill endilega að þau séu vinir og ætlast til að þau tali um sömu hluti og þau gerðu áður. Er þetta raunhæft, burtséð frá því hvort þau treysti hvoru öðru? Ég rakst á grein um þetta á netinu, man ekki alveg hvar, og las hana, þess vegna varð ég að koma með skoðun mína á þessu. Sko ef einhverjar tilfinningar hafa verið í spilinu þá tel ég að það væri afskaplega sárt fyrir hvorn aðilann sem það er reyna að halda í einhvern vinskap ef um tilfinningar hafi verið að ræða og tala nú ekki um ef hann eða hún hafa enn tilfinningar. Best væri að slíta öll tengsl og reyna að öðlast nýtt líf í stað þess að nudda sér upp úr einhverju sem aldrei getur orðið eða eitthvað slíkt. Slík sjálfseyðingarhvöt er til í okkur öllum og ég held að hún sé manninum eðlislæg þó svo hún birtist okkur á mörgum sviðum ekki bara í tengslum við hitt kynið. En í mínum huga er sársauki sem maður skapar sér sjálfur verstur, maður veltir sér upp úr hlutum einungis til að kvelja sjálfan sig. Lífið er skemmtilegra en svo, alla vega segja sumir það (maður dregur það í efa stundum), en ég er líka stórfurðulegt fyrirbæri. Sannir vinir fyrirgefa, sannir vinir elska og sönnum vinum er ekki sama.............

Takk fyrir og góða nótt
Farið vel með ykkur

Jæja kæru lesendur þá er kominn tími á smá pistil.  Ekki mikið merkileg vika þessi sem er að líða fór reyndar í bíó með Bjammanum í gær á Walk the line, snilldarmynd þar á ferð og Johnny Cash er töffari það verður að segjast eins og er, eða var öllu heldur blessuð sé minning hans. Stórfréttin að mínu mati var alla vega sú að hún Birta dóttir mín tók upp á því að byrja að ganga bara svona 1,2 og 3..... hún er æði skæði!!!!  Í dag fór ég og bekkurinn minn úr KHÍ í nýju frjálsíþróttahöllina til að dæma á íslandsmóti fatlaðra í frjálsum, það gekk vel og var tær snilld.  Það er æðislegt að sjá hvað íþróttirnar eru að gera fyrir þetta fólk og þessa krakka, keppnisskapið vantar ekki í suma og var hörkukeppni í gangi í allan dag. 
Mínir menn í Man.Utd töpuðu í dag fyrir liverpool, sá ekki leikinn en það var örugglega "verðskuldaður" sigur.  Leitt að heyra að Alan Smith skuli hafa meiðst þetta illa, þar sem hann fótbrotnaði og fór úr ökklalið.
Annars er ég sprækur sem lækur og var að horfa á júróvisjón og mikið rosalega er hún Sylvía Nótt að rústa þessari keppni, það fer ekki á milli mála og ég vona að útlendingarnir fatti húmorinn líka, eða misskilja hann eins og einhverjir gera eflaust......  Lade svinge, já bobbysox eru núna að syngja og þetta eru orðnar háelliærar kellingar sjittt, ég er ekki svona gamall man samt vel eftir þessu......  en já ætli ég sé ekki bara farinn að horfa á Lost, er búinn að vera týndur í þeim þáttum upp á síðkastið, magnað helvíti og vel skrifað...

Hafið það gott og lifið heil
kv
Sveinninn

Jæja.......  þá er þessari helgi senn að ljúka og sem betur fer segi ég.  En áður en ég ræði það þá vill ég segja frá því að skólinn er byrjaður, er búinn að fara í dans og það er eintóm snilld, þvílíkt fjör. Við Orri Hjaltalín (sem var svo góður í gamla cm) erum sambýlingar og erum að vinna saman lokaverkefni sem er bara spennandi og erum komnir aðeins á skrið með það.  Þessi helgi fór í vinnu hjá mínum, er að vinna í íþróttahúsinu hér á laugarvatni og það var þorrablót um helgina.  Mjög gaman að sjá alla pissfulla og vitlausa en hins vegar leiðinlegt að þurfa að vakta húsið á meðan á ósköpunum stóð, stalst reyndar einu sinni á dansgólfið þökk sé Katie Johns...... Tókum smá cha cha cha sem gekk ágætlega............

Dagurinn í dag hefur farið í þrif á húsinu og það er ógeðslega skítugt og virkilega sóðalegt, mjög gaman sem sagt.......  En ég var kominn heim klukkan hálf 6 í morgun, gat ekki sofnað þannig að ég horfði á 2 Lost þætti og sofnaði að lokum um hálf 9 og var mættur að þrífa kl 12:30, DUGNAÐARFORKUR.......

Heyrumst, over & out

4 STÖRF SEM ÉG HEF UNNIÐ UM ÆVINA:
Á leikskóla, í Fiski, Össur h/f og þjónn á veitingahúsi

4 BÍÓMYNDIR SEM ÉG GÆTI HORFT Á AFTUR OG AFTUR:
Braveheart, Snatch, Super Troopers og Aladdin


4 STAÐIR SEM ÉG HEF BÚIÐ Á:
Reykjavík, Hrísey, Kópasker, Laugarvatn

4 SJÓNVARPSÞÆTTIR SEM MÉR LÍKAR:
Lost, Friends, 24, Family guy (eru fleiri)

4 STAÐIR SEM ÉG HEF HEIMSÓTT Í FRÍUM:
Las islas Canarias, London, Benidorm, Ásbyrgi

4 SÍÐUR SEM ÉG SKOÐA DAGLEGA:
Mbl, Fotbolti.net, blog.central.is/snortur, Birtan mín

4 BÆKUR SEM ÉG LES OFT:
Queer eye for the straight guy, íslenskur stjörnuatlas, handbók um ritun og frágang og Syrpan

4 STAÐIR SEM ÉG VILDI HELDUR VERA Á NÚNA:
Ítalía, Í mínu eigin húsnæði, að spila á Dúddanum, að keyra nýja BMV 5 4,8 bílinn minn á hraðbrautum Þýskalands

4 STRÁKAR SEM ÉG SKORA Á AÐ GERA ÞETTA:
Hjörvar, Bjartmar, Eyfi og Baldvin Júl

Já þið fáu sem lesið síðuna, ég er nokkuð ánægður með ykkur að nenna þessu Fyrst vill ég koma með svörin ú getrauninni sem ég var með síðast:
1. Stanley Goodspeed = Nick Cage í The Rock
2. Latrell Spencer = Terry Crews í White chicks
3. Arcot Ramathorn = Jay Chandrasekhar í super troopers
4. Jack Torrance = Jack Nicholson í The Shining
5. Harry Callahan = Clint Eastwood í Dirty Harry
6. Joe = þessi var tricky, þetta er Clint Eastwood í The good the bad and the ugly
7. Martin Riggs = Mel Gibson í Lethal Weapon myndunum
8. Paul Edgecomb = Tom Hanks í Green mile
9. Charlie Baileygates = Jim Carrey í Me myself and Irene
10. Richard Hayden = David Spade í Tommy Boy

Þar hafiði það og aldrei að vita nema maður komi með aðra getraun síðar.

Ekki hefur margt drifið á daga mína síðan ég skrifaði síðast, ekki nema það að ég er búinn að kenna í æfingakennslunni og það gekk allt saman gríðarlega vel og sérstaklega fannst mér frábært að fá það tækifæri að fá að kenna í sérdeildinni, yndislegir krakkar. Þessi vika sem er að líða hefur einkennst (skrifað svona ) af leiðindum, erfiðleikum og sorg! Ég mun ekki ræða það nánar en ég bið fyrir öllum þeim sem eiga í erfiðleikum og sendi þeim styrk!!!! Leiðindi er eitthvað sem ég þoli ekki, það að fólk skuli rífast í stað þess að geta sest niður og spjallað saman er alveg óþolandi (hver hefur ekki lent í þessu). Ég ætla að halda áfram að tala um hluti sem ég þoli ekki eitt af þeim er t.d. ósannindi og það að manneskjur geti ekki komið hreint fram við hvora aðra. Ég er ekki alsaklaus í þessum efnum og viðurkenni það fúslega að ég hef komið svona fram og bið alla þá aðila afsökunar hér með. En maður á það til að þroskast með aldrinum og maðurinn er þannig gerður að hann lærir af mistökunum, flestir alla vega
Horfði á sjónvarpið í kvöld og sá Sylvíu Nótt rúlla upp evróvisjón keppninni, djöfull var hún flott og töff. Birgitta var sæt og lagið var voða sætt líka. Er annars að byrja í skólanum aftur á mánudaginn, ekki mikill spenningur fyrir því, ekki nema þá helst að fara að æfa almennilega. Þetta er síðasta önnin og það eru blendnar tilfinningar sem fara um mann, það er fínt að fara að klára þetta en svo á móti er þetta svo ljúft líf sem maður lifir þarna. Úfff ekkert nema vol og væl í gangi hérna þannig að ætli sé ekki best að hafa þetta ekki lengra í bili.......
Hlýt að fara að koma með skemmtilegri pistla
Adios amigos

Já kæru félagar, ekki voru allir karlmennirnir sáttir við það sem ég skrifaði hérna síðast nema hugsanlega Hjörvar, enda erum við báðir góðir strákar Af mér er ekki mikið að frétta, var með Birtuna frá föstudegi til laugardags og það var hrikalega gaman, skemmtum okkur konunglega eins og alltaf reyndar..... Á laugardaginn gerðist ekki mikið nema hvað ég horfði spenntur á Geir Ólafs skíta upp á herðar í evróvisjón keppninni, það er með ólíkindum hvað maðurinn er gjörsamlega sneyddur öllu sem kallast hæfileikar, ég meina maðurinn er alkunnur fyrir almennan ruddaskap við almúgann því jú hann virðist telja sig ofar okkur hina, hann er lítill, rindlalegur, ekki myndarlegur og síðast en ekki síst alls enginn söngvari ....... Annars finnst mér þessi keppni frekar lame svona yfir höfuð, slök og með ólíkindum hvað lögin eru LÉLEG, afhverju ekki að senda eitthvað almennilegt í þessa keppni einu sinni, förum við Íslendingar ekki í allar keppnir til að vinna, til hvers þá að senda eitthvað helvítis rusl alltaf (þá er ég aðalega að tala um lögin/tónlistina, ekki flytjendurna). Ég er handviss um að við myndum gjörsigra þessa keppni ef við fengjum t.d. Barða úr BangGang til að semja, þvílíkur snillingur þar á ferð. En RÚV má eiga það að umfang keppninnar er til fyrirmyndar og mjög flott í alla staði, þó svo mér finnist kynnar á svona keppnum alltaf of stífir og það virkar ekki að segja fyrirfram framreidda brandara sem þau eru látin lesa af promptornum....... Þetta verður oft svo vandræðalegt.
En nóg um þetta, ég fór á æfingu á sunnud sem var helvíti gaman, fór svo á Player´s með félaga mínum sem átti afmæli þá, til hamingju með það Elmar, og horfðum á Man Utd rúlla yfir Wolves, Íslendingar rassskellta af Ungverjum og Liverpool rétt merja Portsmouth...... Í gær (mánud) kenndi ég svo í Borgó og það var sérdeildin sem við kenndum saman ég og Róbert. Þetta eru snilldar krakkar þarna, allir einlægir og virkilega til í að framkvæma það sem við setjum fyrir. Svo var brunað upp á Laugarvatn að vinna og ég er þar enn því ég á að vinna í kv líka........
Úr hvaða myndum eru þessir karakterar? (bannað að leita á netinu)
1. Stanley Goodspeed
2. Latrell Spencer
3. Arcot Ramathorn
4. Jack Torrance
5. Harry Callahan
6. Joe
7. Martin Riggs
8. Paul Edgecomb
9. Charlie Baileygates
10. Richard Hayden

P.s. Ég þoli ekki blogg þar sem fólk notar endalaust af einhverjum helvítis brosköllum og líka annað, ég er nú ekki með fullkomna stafsetningu en menn mættu kynna sér reglurnar um Y!!! Þoli ekki þegar menn tala um neiðarástand og hvað þessi er indislegur og jafnvel þegar talað er um að einhver sé veykur.
Takk fyrir......

Já kæru lesendur ef þið eruð þarna einhversstaðar, ég hef ekkert verið að drepast úr skriffinsku síðustu misseri en bæti úr því núna. Það virðist sem svo að ég geti ekki skrifað þegar bjart er úti heldur þurfi að vera hánótt, skil þetta hreinlega ekki. En það er eitthvað svo heillandi við nóttina, ég meina það eru alltaf einhverjir til sem eru svo hræddir við nóttina og myrkrið eða skammdegisþunglyndi eins og sumir vilja kalla það. Ég segi bara það að ef það væri engin nótt og enginn myrkur þá væru engar stjörnur (vó rólegur á væmninni) en ég meina það, stjörnubjartur himinn er eitthvað það flottasta sem ég veit um og hef alla tíð síðan ég var smápolli horft upp í himinninn og starað og hugsað mikið og pælt í þessu fyrirbæri. Ég hef hingað til ekki verið talinn vera með vott af rómantík í mér (og finnst ekki sjálfum), kannski af því að ég skynja rómantíkina öðruvísi en aðrir, hver veit en ég verð að segja ykkur frá minni hugsun um rómantík.... Það er snjór úti, frost, hörkufrost meira að segja, alveg stjörnubjartur himinn og þetta er einhversstaðar utan við höfuðborgina. Tveir einstaklingar ganga saman, hvort sem um ræðir vini eða par... (CRY ME A RIVER) já ég veit þetta er ekki alveg í anda karlmanns sem er að reyna að halda úti bloggsíðu, hljómar meira svona eins og homminn sem er vinur allra stelpnanna
En nei ég er nú ekki þannig, það er næsta víst. Ég varð að deila þessu með ykkur veit hreinlega ekki afhverju, sorry.........
Hef ekki meira að segja þessa nóttina
Farið varlega og þangað til næst, bæbæ

Hversu oft hefur manni ekki liðið skringilega og jafnvel allt að því illa og oftast útaf einhverjum smámunum sem skipta svo á endanum akkúrat engu máli? Maður stendur sig að þessu annað slagið og ég held hreinlega að ég sé kominn með ógeð á því Þetta er ákvörðun sem maður tekur sjálfur, vaknar á morgnanna og segir við sjálfan sig: "í dag ætla ég að láta mér líða vel!!" og viti menn, þetta svínvirkar. Stundum er betra að líta aðeins í kringum sig áður en maður fer að væla og röfla yfir einhverjum smámunum, auðvitað getur manni liðið virkilega illa en á móti kemur þá er yfirleitt hægt að hafa það verra! Þetta er staðreynd sem allt of fáir gera sér grein fyrir. Hversu oft lenda menn í því að eyða tímanum í að væla yfir og/eða argast út í hitt kynið til dæmis? TILGANGSLAUST....... það er ALLTAF hægt að láta sér líða vel, þú verður bara að taka ákvörðun um það að þú viljir það Jæja nóg um þetta tuð, af mér er svo sem ekkert mikið að frétta. Er búinn að vera að vinna á vatninu alla helgina, reyndar mikil yfirvinna því það er búið að vera mikið um að vera í íþróttahúsinu hérna um helgina, frjálsíþróttamót, körfuboltaleikur og svo eitthvað lið hérna í æfingabúðum......... Hef nú ekki mikið að segja núna en kem með eitthvað um leið og poppar upp..... over and out

Jæja nú er ég orðinn 28 ára en líður samt ekkert öðruvísi er meira að segja enn jafn lítill og ég var deginum á undan..... Ótrúlegt!!
Annars er ég góður bara, var að vinna á mánudag og þriðjudag á vatninu sem var bara gaman. Ég er búinn að vera að kenna núna þessa viku í Borgarholtsskóla og það er mjög gaman, Íþróttakennslan verklega fer fram að mestu leyti í world class sem er gríðarlega gaman. Kenndi bóklega tíma í dag og meeeen hvað ég var stressaður til að byrja með, svitnaði og varð þurr í kjaftinum en það var svo allt í lagi að kenna þetta, fínasta upprifjun að lesa aðeins í þjálfun, heilsa og vellíðan (kvöl, pína og vanlíðan). Seinna í dag áttum við Robbi að kenna verklegan tíma í World Class og vorum búnir að skipuleggja gríðarlega fínan tímaseðil en nei það mættu 3 einstaklingar í tímann. Einn af þeim var vanur að æfa í líkamsræktarstöð og fékk hann því að æfa einn en við Róbert fylgdum hinum einstaklingunum eftir sem nokkurs konar einkaþjálfarar og vorum við að fíla okkur vel í þessu. Annars er svo sem ekki mikið að frétta, en ég vill fá komment frá ykkur um það hvort ég eigi að halda þessu bloggdæmi áfram eða ekki.........

Adios amigos

Old man rivers over and out

Svo sem allt sæmilegt að frétta, vill byrja á helginni sem leið. Var með Birtuna mína á föstudagsnóttina sem var auðvitað æði skæði, hún er mesta yndi í heimi þessi elska Á laugardaginn var dagurinn tekinn snemma þar sem ég fékk símhringingu mjög snemma eða um 11 leytið og var þar á ferðinni Jón Þormar hinn eini sanni sem bað mig að pikka sig upp þar sem hann var fastur hjá einhverju fljóði sem hefur væntanlega látið hann hafa það. Það var nú minnsta málið að sækja vin sinn enda gríðarleg tilviljun að hann skuli hafa verið í næsta stigagangi við mig þennan umrædda morgun. Við fórum í brunch á McDonalds og gúffuðum í okkur kólesterólsprengjum að hætti ameríkana...... Snörtur átti ekki stórleik um kvöldið ræðum ekki um það hér. Við Jón skelltum okkur svo á NASA um kvöldið og skemmtum okkur konunglega við undirleik Skítamórals, einkavina Bjartmars!!!! Hittum fullt af fólki og þar fór fremstur í flokki Bimbó sjálfur eða Steini Agnars...... Skemmtilegt ball
Var frekar þreyttur á sunnudaginn og gerði ýmislegt skemmtilegt, fór í sund með Birtu
Í dag er mánudagur og það var fyrsti dagur í kennslu hjá mér, er s.s. að byrja í æfingakennslu. Er í Borgarholtsskóla í Grafarvogi og mér líst ágætlega á þetta verð ég að segja, kvíður reyndar pínu fyrir bóklegu tímunum en það þýðir lítið að væla....
Á morgun er stór dagur þar sem ég á afmæli og vill ég byrja á því að óska félögum mínum þeim Davíð Oddssyni og Jim Carrey til hamingju með að eiga afmæli sama dag og ég
Ætla að baka köku í tilefni dagsins jei............

Jæja góðir hálsar, merkisdagur í dag þar sem að LEIKURINN er í dag.... Jamms ekki spurning! Annars vill ég koma fram þakklæti til þeirra bræðra Jónsa og Garðars fyrir að vera fyrstir til að kvitta í gestabókina (geri ekki upp á milli þeirra um hvor þeirra var á undan) Annars er það að frétta að á mánudaginn þá byrja ég í æfingakennslu í Borgarholtsskóla og kvíður mér nett fyrir það, ástæðan er ekki íþróttatímarnir heldur bókleg kennsla. Já ég sagði bókleg kennsla þar sem ég tel mig ekki vera á heimavelli, hef aldrei á ævinni getað staðið fyrir framan fólk og talað án þess að verða rauður í framan og skjálfandi röddinni. Vona bara að maður sleppi lifandi frá þessu En já maður er annars svona helvíti hress bara og býst ég við að þetta verði góður dagur, já hef góða tilfinningu fyrir þessu, kannski er ég með óráði þar sem klukkan er rúmlega níu en maður veit aldrei. Jæja er farinn í sturtu...... Farið vel með ykkur

Já góðan dag góðir hálsar, það er svo sannarlega föstudagurinn 13. í dag!!! Vaknaði snemma í dag og sótti dóttur mína til að keyra hana á leikskólann, sem hefði svosem ekki verið mikið mál NEMA fyrir það litla helvíti sem menn kalla snjó!!!!!! Það hefur gjörsamlega kyngt niður snjó í nótt. Það tók mig 10 min að skafa af bílnum og þar sem ég næ ekki upp á þak sökum hæðarskorts þá þurfti ég að skilja eftir væna hrúgu eftir upp á bílnum sem er óþolandi því ég þoli ekki fólk sem skefur ekki ofan af bílnum sínum. Alla vega þá tók það mig 20 mínútur að komast úr grafarvogi þar sem ég bý upp í grafarholt þar sem hún Birta mín býr, sem er fokk langur tími þessa stuttu vegalengd.
Annars hefur þessi dagur einhverra hluta vegna aldrei (7,9,13) haft nein neikvæð áhrif á mig, en hins vegar virðist ALLTAF eitthvað koma fyrir mig daginn eftir, kannski maður sé bara svona seinn, hver veit. Þessi helgi verður skemmtileg, í kvöld og nótt verð ég með Birtuna og á morgun er svo stórleikur í knattspyrnuheiminum í Egilshöll þar sem 3.flokkur Fjölnis í grafarvogi tekur á móti stórliði Snartar frá Kópaskeri, en fyrir þá sem ekki vita þá þjálfa ég og spila með Snerti..... Stefnan er svo tekin eitthvað út á lífið um kvöldið, sérstaklega þar sem La Torre Þormar og Gæi bróðir hans ætla að koma að norðan í leikinn..........

Ætla ekki að hafa þetta lengra í bili, farinn að leggja mig enda vaknaði ég 8 og klukkan að ganga 10 núna, úffff þetta er erfitt líf. Þangað til næst, farið varlega!!!!!!!